"Сандерленд" бош мураббийи Сэм Эллардайс АПЛнинг 37-турида "Челси" устидан қозонилган ғалабадан сўнг (3:2) лондонликлар дарвозасига ғалаба тўпини критган Жермейн Дефо ҳақида фикр билдирди
"Дефо ҳали юқори савияда ўйнай олади. Унинг самарадор ўйини Англия терма жамоаси учун Европа чемпионатида асқотиши мумкин. Агар сизларга Евро-2016да гол керак бўлса - сизларда Дефо бор. Жермейн - миллий терма жамоа учун ажойиб вариант.
У ниҳоят жароҳатлардан фориғ бўлди ва мунтазам ўйнай бошлади. Кўпчилик уни ҳисобдан чиқариб қўйган эди", - дейди Эллардайс.
Дефо ушбу мавсумда "Сандерленднинг 43та голидан 15тасига муаллифллик қилди. Ҳужумчи 32 учрашувда майдонга тушган.