Ўзбекистон биринчилигида "Норин" жамоаси ёмон қатнашмаяпти. Янги тузилган жамоа бошқа кучлироқ саналган жамоаларга бош оғриқ бўлмоқда. Хўш, "Норин" жамоаси олдига қандай вазифалар қўйилган? Бу ҳақда жамоа бош мураббийи Равшан Бозоров ўз фикрларини ФЭ нашрига билдириб ўтди.

- "Норин" жамоасининг бу йилги мақсад ва вазифалари ҳақида тўхталиб ўтсангиз.
- Олдимизга аниқ бир вазифа қўйилмаган. Биз ҳар бир ўйинга ғалаба учун чиқамиз. Қўл остимда тажрибали ўйинчилар билан бир қаторда ёшлар ҳам тўп сурмоқда. Бу орқали ёшларни тарбиялаш кўзланган. Шундан кейингина олдимизга қандайдир вазифа қўйилса керак. Бу балким келаси йил ёки ундан кейинги мавсумга тўғри келар. Ҳозир асосий мақсадимиз мухлисларимизни хурсанд қилиш. Ҳаққулободдаги ўйинларимизда ишқибозлар стадионни тўлдириб, бизни қўллаб-қувватлаб туришибди. Уларнинг ҳурмати учун ҳам чиройли, ҳужумкор ўйин кўрсатишга ҳаракат қиламиз.


Фурқатбек НИШОНОВ