Римнинг “Лацио” клуби матбуот хизматининг хабар беришича, клуб ҳужумчиси Мирослав Клозе мавсум якунига етганидан кейин жамоани тарк этади. Футболчининг клуб билан тузилган шартномаси шу йилнинг ёзида якунига етади ва шартнома узайтирилмайди.
Клозе “Лацио” таркибидаги сўнгги учрашувини 15 май куни ўтказади. Ўша куни “Лацио” клуби “Фиорентина” клубига қарши баҳс олиб боради.
Жорий мавсумда германиялик ҳужумчиси А Серияда 23 марта майдонга тушиб, 6та гол уришга ва 7 та голли тўп узатишга муваффақ бўлган. 37 ёшли ҳужумчи “Лацио” сафига 2011 йилда “Бавария” билан шартномаси тугаганидан кейин ташриф буюрган эди.
