"Реал" ҳужумчиси Криштиану Роналду агар клубини тарк этадиган бўлса, тўғри "ПСЖ"га ўтади, дея хабар беради Sky Sports.
Ҳужумчининг агенти Жорже Мендеш футболчи "Реал"ни тарк этган тақдирда француз клубида устувор ҳуқуқи бўлиши борасида "ПСЖ" билан оғзаки келишиб олди.
Эслатиб ўтамиз, Криштиану Роналдунинг кетиши ҳақида анчадан буён миш-мишлар юрибди. Унга талабагорлар орасида "ПСЖ" ва "МЮ" етакчилик қилишмоқда. Футболчининг ўзи "Реал"да бахтиёр эканлиги ва фаолиятини шу ерда якунлаши ҳақида айтган эди.
Криштиану Роналдуни яқинда "Стэмфорд Бридж" атрофида кўришган, футболчи тансоқчилари билан стадион атрофини айланган. Бу эса янги миш-мишларнинг урчишига сабаб бўлган эди.
Криштиану Роналду "Манчестер Юнайтед"да олти мавсум ўйнаган ва уч марта Англия чемпиони бўлган.
Миш-мишларга қараганда "Реал" бир йил мобайнида Роналдуга харидор излаган.
