Европа футбол федерациялари ассоциацияси (УЕФА) Россия терма жамоасининг 2016 йилги Европа чемпионатида расмий шиорини тасдиқлади. Унга кўра «Бир киши — ҳамма учун, ҳамма — бир киши учун!» шиори ғалаба қозонди.
Расмий шиор УЕФА расмий сайтида ўтказилган сўровномада мухлислар томонидан берилган овозлар натижасида аниқланди. Мазкур сўровномада шунингдек «Ягона давлат, ягона оила, ягона жамоа» ва «Битта жамоа — миллионлаб урувчи юраклар» шиорлари ҳам номзод сифатида қўйилганди.
РФИ президенти Виталий Мутко ҳам айнан шу шиорга овоз берганини таъкидлаб ўтди.«Бизда олий даражадаги юлдузлар йўқ. Шу сабабдан ҳам асосий эътиборни жамоавий ўйинга қаратишимиз керак бўлади. Бу шиор айнан шунга мос келади», — дея «Чемпионат.com»га интервью берди Россия спорт вазири.
