Кеча “Қўқон-1912” жамоаси ўринбосарлари Ёшлар лигаси 9-тури майдонга тушиб сафардан ажойиб ғалаба билан қайтишди. Вакилларимиз Наманганда “Навбаҳор”ни доғда қолдиришга муваффақ бўлишди.
Қуйида ушбу ўйинга бағишланган фотомақола билан танишинг:
Жамоалар майдонга тушиб келишмоқда.
Учрашувни бошқариб борган Равшан Кападзе, жамоаларни майдога бошлаб чиқди ва сардорлар иштирокида ўйинни ким бошлашини аниқлаб олмоқда.
Дуо билан бошланган иш хайрли якун топади.
Учрашувни вакилларимиз фаол бошлашди. Жалил Кимсановнинг ўйин дебютида чалқанча услубда берган зарбасини “Навбаҳор” посбони аранг қайтарди.
11-минут. Алишер Зиявиддиновнинг мана шу тўп узатишидан кейин ҳисоб очилди.
Достон Мелиқўзиевдан аниқ зарба ва …
… тўп дарвоза тўрида.
Достонбек Мелиқўзиев жамоамизнинг иқтидорли ёшларидан. У мавсумдаги дастлабки голини киритганидан хурсандмиз. Биз сендан яна голлар кутамиз Достонбек!
Учрашувда барча футболчилар жон-жахдлари билан, ҳар бир қарич майдон учун астойдил кураш олиб бордилар.
Ойбек Рустамов ёшлар терма жамоаси сафида йиғинда бўлиб қайтди. Ойбекдан умидимиз катта.
Ўйиндаги иккинчи голни Алишер Зиявиддинов киритди. Бурчак зарбасидан сўнг футболчимиз боши билан рақибларимиз дарвозасини ишқол қилди. Бурчакдан тўпни Муҳаммаданас Хасанов ошириб берган эди.
Гол завқи….
Ушбу вазиятда Жалил Кимсанов тепган тўп Хасан Асқаровнинг қўлига теккан эди. Вазиятга яқин турган қанот ҳаками эса байроқчасини кўтаришга жазм этолмади.
Иқтидорли ярим ҳимоячимиз Муҳаммаданас Ҳасанов секин-аста ўз ўйинини топиб бормоқда. У кеча жамоамизнинг иккита голига ассисентлик вазифасини бажарди.
Авазхон Маматхўжаев ажойиб ҳаракатлари эвазига навбатдаги тўпни киритди.
Муҳаммаданас Ҳасановдан тўпни қабул қилиб олган Авазхон Маматхўжаев икки рақибни алдаб ўтиб, дарвозага аниқ зарба йўллади ва учинчи голни Наманганликлар дарвозасига жойлаб қўйди.
Учрашув шиддатли курашларга бой тарзда ўтди. Бош ҳакам чўнтагидан икки бор қизил ва бир неча бор сариқ карточкани олишга мажбур бўлди.
Аброр Рахимов мавсумдаги сўнгги учрашувини ўтказди. У бугун харбий хизматга йўл олади.
Ғалаба қувончи. Шундай хурсандчиликлар давомли бўлсин йигитлар!
Булар эса Тўрақўрғондаги стадионга ташриф буюрган мухлислар.
