Хорватия термасининг афсонавий посбони, айни дамда “Депортиво” клуби дарвозабони Стипе Плетикоса фаолиятини якунлашини билдирди.

- “Реал”га қарши ўйин мен учун сўнггиси бўлади. Мен бу ҳақда узоқ ўйладим ва бир қарорга келдим. Бу қийин, лекин янги ҳаёт бошлайман. 37 ёшдаман ва шахсий ҳаётимга вақт ажратмоқчиман.

Шунингдек, турмуш ўртоғим билан кўпроқ вақт ўтказмоқчиман. У узоқ йиллар давомида фарзандларимни катта қилди. Ҳар йили бир жойдан бошқа жойга кўчиб улар ҳар чарчади. Энди ўзгача ҳаёт кечирамиз, – деди хорватиялик посбон.

Қишки трансфер ойнасида “Депортиво”га келган Плетикоса Ла Лиганинг фақатгина битта ўйинида майдонга тушди.