“Бунёдкор” – “Бухоро” учрашувидан кейинги матбуот анжуманининг биринчи қисмида бухороликлар устози иштирок этди.

- Биринчи бўлимни ёмон ўтказмадик. Бизни иккинчи таймда урилган тезкор гол синдирди. Ўйин давомида учта қўпол хатога йўл қўйдик. Натижада шунга яраша жазоландик. Илк бор йирик ҳисобда мағлубиятга учрадик. “Бухоро”нинг барча футболчилари ишончни оқлаш учун ҳаракат қилишмоқда. “Бухоро” қария футболчиларни йиғиб олди, деб айбламасликларини сўрардим. Таркибимиз яхши. Ўтган йили олий лигада жон сақлаб қолиш учун курашгандик. Бу йил эса мусобақа жадвалининг юқори қисмидан жой олганмиз. Яхши жамоа тузиш учун 2-3 йил керак. Бизга вақт беринглар, кейин ҳаммаси жойида бўлади. Олдинда “Пахтакор”га қарши кубок доирасидаги учрашув кутиб турибди. Баҳсга яхши тайёрланиб, мухлислар ишончини оқлашга ҳаракат қиламиз, - дейди Жамшид Саидов.