«Лестер»нинг франциялик яримҳимоячиси Нголо Канте ёзги трансферлар вақтида кучлироқ жамоага ўтмоқчи.

Бундан олдинроқ, ушбу футболчига Англиянинг гранд жамоалари, «Арсенал», «Манчестер Сити», «МЮ» ва «Челси» жамоалари томонидан ушбу футболчига қизиқиш билдирилаётгани ҳақида хабарлар берилганди.

Лондонликлар раҳбарияти ушбу футболчининг шартномасида кўрсатилган товон пулини тўлашга тайёрлиги, жамоа бош мураббийи бу футболчини қўлга киритишни жиддий равишда истаётгани айтилганди.

Шунингдек, жорий мавсум кашфиётларидан бири бўлган бу 24 ёшли иқтидор эгасига «ПСЖ» томонидан таклиф берилганди.

Telefoot нашри хабарига кўра эса Кантенинг ўзи Лондоннинг «Арсенал» жамоасида ўйнашни истамоқда.