Ассосан ёш футболчилардан ташкил топган, Гулнора Тўраева бошчилигидаги “Севинч-2″ жамоамиз VI Ўзбекистон биринчилиги 1-тур учрашувларини якунлади.
Ёш футболчи қизларимиз ўтган мавсумда фақат тажриба тўплашган бўлишса, бу йилги мавсумдан натижаларини ҳам яхшилай бошлашди. Биринчи турнинг ўтган 5 учрашувида 2 ғалаба, 2 дуранг ва бир марта имкониятни бой беришди. Қизларимиз 8 очко тўплашиб, турнир жадвалини 5-поғонасидан жой олишди.
Албатта бу кўрсаткичлар ўтган йилги мавсумдаги натижалардан анча яхши кўрсаткичдир. Тажриба борасида рақибларидан анча камроқ бўлган ёш қизларимиз энди бемалол жиддий рақиблар билан ҳам тенг кураш олиб бориш даражасига етишмоқда.
Бундай ютуқларга эришишда мураббийларнинг ҳам саи-ҳаракатлари кўзга ташланиб қолди.
Қуйида жамоамизнинг Тошкентда 11-15 май кунлари бўлиб ўтган VI Ўзбекистон Биринчилигининг 1-турида кўрсатган натижаларини келтириб ўтамиз.
11.05.2016
“Севинч-2″ – “Пахтакор W” 0:0
12.05.2016
“Севинч-2″ – “Жиззах” 1:1
13.05.2016
“Севинч-2″ – “Динамо” 1:0
14.05.2016
“ТерДУ Сурхан” – “Севинч-2″ 2:0
15.05.2016
“Севинч-2″ – “Навбаҳор W” 3:0
Энди турнир жадвалининг 1-турдан кейинги ҳолати билан танишинг:
Турнир жадвали| Т/р | Ў | Ғ | Д | М | К/Г | Ў/Г | Т/Н | Оч. |
|---|---|---|---|---|---|---|---|---|
| 1ТерДУ Сурхон (Термиз) | 5 | 4 | 1 | 0 | 14 | 0 | 14 | 13 |
| 2Жиззах (Жиззах) | 5 | 3 | 1 | 1 | 14 | 4 | 10 | 10 |
| 3Пахтакор W (Тошкент) | 5 | 3 | 1 | 1 | 11 | 3 | 8 | 10 |
| 4Динамо-плюс (Самарқанд) | 5 | 2 | 2 | 1 | 8 | 3 | 5 | 8 |
| 5Севинч-2 (Қарши) | 5 | 2 | 2 | 1 | 5 | 3 | 2 | 8 |
| 6Навбаҳор-W (Наманган) | 5 | 1 | 1 | 3 | 3 | 12 | -9 | 4 |
| 7Шарқ Юлдузи (Гулистон) | 5 | 1 | 0 | 4 | 6 | 18 | -12 | 3 |
| 8Оқ тулпор (Асака) | 5 | 0 | 0 | 5 | 0 | 18 | -18 | 0 |
Биринчиликнинг 2-тур учрашувлари 9-14 июн кунлари бўлиб ўтади.
