Бугун “Локомотив” Осиё чемпионлар лигасининг 1/16 финал босқичи доирасида Саудия Арабистонининг “Ал Ҳилол” клубига қарши баҳс олиб боради. Бу ўйин “Локомотив” учун ниҳоятда муҳим, қолаверса, “Темирйўлчилар” Ар Риёдга фақат ижобий натижани кўзлаб ташриф буюришган.

Кеча “Локо” футболчилари Ар Риёд шаҳридаги энг катта “Қирол Фаҳд” стадионида ўйинолди расмий машғулотни ўтказди. Машғулот ОЧЛ регламентига биноан бир соат давом этди. Машғулотда барча футболчилар иштирок этишди. Бугун эса “Ал Ҳилол” – “Локомотив” баҳси бўлиб ўтади ва учрашув маҳаллий вақт билан 21:05 (Тошкент вақти билан 23:05)да бошланади.