«Торино» бош мураббийи Жампьеро Вентура – Евро-2016дан сўнг бўшайдиган Италия терма жамоаси бош мураббийлиги учун асосий номзод бўлиб турибди.
Sky Sport Italia нашри хабарига кўра, Вентура миллий терма жамоа устози ўрни учун курашда Винченцо Монтелла («Сампдория») ва Жанни де Бьязи (Албания термаси)ни ортда қолдирмоқда.
Бироқ 68 ёшли мутахассиснинг «Торино» билан ҳали икки йиллик шартномаси бор.
Агар вазият Вентуранинг Италия термасига кетиши билан якунланадиган бўлса, Турин клуби «Милан» ва «Сампдория»нинг собиқ устози Синиша Михайлович билан шартнома имзолайди.
Якунига етган мавсумда «Торино» Италия чемпионатида 12-ўринни эгаллади.
