Футболчилик фаолиятини якунлаган ҳужумчи Лука Тони «Наполи» ҳужумчиси Гонсало Игуаин ҳақида илиқ фикрлар билдирди.
Маълумот учун, аргентиналик ҳужумчи «Наполи» таркибида жорий мавсум «А» Серияда 36 та гол уришга муваффақ бўлди.
«Игуаин жорий мавсумда фантастик даражада меҳнат қилди. У қандайдир ўзига хос, такрорланмас ишни амалга оширди, ваҳоланки барча ўйинларда ҳам майдонга туша олмаган эди. Игуаин — бошқа сайёралик. Назаримда, у ҳатто Луис Суаресдан ҳам яхшироқ», - деди Тони.
Бундан ташқари, Тони швециялик ҳужумчи – Златан Иброҳимовичнинг «Наполи»га ўтиши эҳтимолига ҳам баҳо берди.
«Бу жуда мураккаб. Игуаин ўзини яхши томондан кўрсатиб бўлди. Лекин улар олдинда биргаликда ўйнай олган бўлишарди», — деди Тони.
