Олий лиганинг 9- тур ўйинларидан ўрин олган "Навбаҳор" - "Қўқон-1912" учрашувидан сўнг "лочинлар"нинг украиналик легионери Олександр Пишур беллашув борасидаги фикрларини "Навбаҳор" матбуот хизматига билдириб ўтди.

"Учрашув бошида гол ўтказиб юбордик. Лекин бу ўйинимизга салбий таъсир ўтказмади. Ғалаба қозонганимиздан хурсандман. Ушбу ўйинга пухта тайёргарлик кўрган эдик. Хет-трик муаллифига айланганим ҳамда голларим "Навбаҳор"нинг йирик ғалабасига хисса қўшгани албатта қувонарли ҳол - дейди Пишур.

"Бизни стадионда қўллаб-қувватлаб турган мухлисларимизга фурсатдан фойдаланиб раҳмат айтмоқчиман. Футбол - бу жамоавий ўйин. Жамоадошларимга ҳам ажойиб ва муҳим ғалаба учун ташаккур айтаман. Қўқонликларга қарши Ўзбекистон кубоги доирасидаги жавоб ўйинида ҳам меҳмонда керакли натижани қайд этишимизга умид қиламан. Сафардан ғалаба билан қайтиб мухлисларимизни хурсанд қилишга ҳаракат қиламиз", - деб фикрини тугатди.