“Реал” жамоаси ярим ҳимоячиси Иско “Атлетико”га қарши кечадиган ЕЧЛ финал учрашуви олдидан ўз фикрларини билдириб ўтди.
- Бўлажак ўйин ҳақиқий жанг бўлади. Мавсум якунланган бўлса-да, яхши спорт формасидамиз. “Атлетико” финалга қадар “Барселона” ва “Бавария” каби кучли жамоаларни мағлуб қилганини билиб турибмиз. Бу клубга қарши ўйин осон кечмайди. Шу сабабли, бўлажак ўйинда хатога йўл қўймаслигимиз керак, - деди Иско.
Эслатиб ўтамиз, “Реал” ва “Атлетико” ўртасидаги учрашув 28-май куни Милан шаҳридаги “Сан-Сиро” стадионида бўлиб ўтади.
