«Барселона» ҳужумчиси Луис Суарес жамоадоши Неймар ҳақида фикр билдириб, унинг каталонияликлар етакчиси Лионель Мессидан сабоқ олишини таъкидлади, деб хабар бермоқда «Чемпионат».

«Лионель Месси дунёнинг энг яхши футболчиси эканини тан оламиз ва ундан ўрганамиз. Неймар дунёнинг энг яхши футболчиси бўлиш учун Мессидан сабоқ олмоқда. Бунинг учун унда маҳорат етарли. Футбол ва ҳаётдан завқ олиш жуда яхши. Учаламиз бир-биримизга ҳасад қилмаймиз. Месси ва Неймар гол урса, улар ва жамоа учун хурсанд бўламан. Улар ҳақида ҳам шундай дейиш мумкин», — деди Суарес Неймарнинг сайтига берган интервьюсида.

Қайд этиш жоиз, Луис Суарес жорий мавсумда Ла Лиганинг 35 ўйинида 40 та гол киритиб, энг яхши тўпурар бўлди ва «Барселона»нинг чемпионлигигакатта ҳисса қўшди.