Ўзбекистон кубогининг нимчорак финал босқичи доирасида "Пахтакор" ва "Бухоро" жамоалари ўртасида дастлабки ўйин бўлиб ўтди. Тошкентда бўлиб ўтган ўйинда, кутилмаганда, бухороликлар ғалаба қозонишди.

"Пахтакор" бугун ўзига ўхшамади. Жамоа суст ҳаракат қилди. Олий лиганинг 9-тури доирасида "Бунёдкор"дан йирик ҳисобда мағлуб бўлган "Бухоро" анча тартибли. мазмунли ва ҳужумкор ўйин намойиш қилди. Жамшид Саидов шогирдлари тўпни яхши назорат қилиши ҳам тошкентликларга муаммо яратди.

Иккинчи бўлимда "Бухоро" стандарт вазиятдан урган голи баҳсли тарзда инобатга олинмаган бўлса, ўйин тугашига 6 дақиқа қолганида Азиз Ибрагимов 20 метрлардан кучли зарба бериб, чиройли гол муаллифига айланди.

Ушбу голга "Пахтакор" футболчилари жавоб қайтара олишмади. Жавоб ўйини 22 май куни Бухорода бўлиб ўтади.

Ўзбекистон кубоги, нимчорак финал, дастлабки ўйин
"ПАХТАКОР" - "БУХОРО" - 1:0
ГОЛ: Азиз Ибрагимов (84)
Огоҳлантиришлар: Саломат Қуттибоев (49), Муҳиддин Худоёров (82)
"Пахтакор": Рибкин, Козак, Абдуллаев, Отахонов, Исматуллаев (Ораховац 37), Аҳмедов, Бердиев (Солиев 46), Каримов, Толипов, Машарипов (Андреев 79), Сергеев (с)
"Бухоро": Худоёров, Мерзляков, Филипосян, Мелзиддинов, Раҳмонов, Қуттибоев, Саноев, Саломов (Шихов 90), Ҳасанов (Убайдуллаев 63), Ибрагимов (Смоляченко 90+2), Пардаев
Ҳакамлар: Темур Тўхтасинов (Андижон), Анвар Маражабов (Андижон), Зиёдилло Абдураҳмонов (Андижон), Дилшод Каримов (Тошкент).
Назоратчи: Александр Попов (Тошкент).