"Реал" клуби ҳимоячиси Начо "Барселона" футболчиси Херар Пикенинг яқинда айтган гапларига жавоб қайтарди.
Эслатиб ўтамиз, Пике "Мадридда ўзларига фильм суратга олаверишсин, биз эса совринларни ютаверамиз", - деб айтиб ўтганди.
"Пике жудаям кўп гапиришни ёқтиради, унга рақиблик қилиш ҳузур бағишлайди. Херард ҳамиша "Реал"ни "чақиб" олишга ҳаракат қилади. Умуман, унга қарши зўр жавоб бор: Чемпионлар лигасини ютиш керак. Бу бизга ҳам фойдали ва кўпчиликни овозини ўчирган бўларди", - дейди Marca нашри Начо сўзларини келтириб.