«Ювентус» ярим ҳимоячи Хамес Родригеснинг трансфери масаласида «Реал Мадрид» билан келишишга уриниб кўради.

Corriere dello Sport хабарига кўра, Миланда бўлиб ўтадиган Чемпионлар Лигаси финалидан сўнг, Турин ва Мадрид клуби вакиллари Альваро Моратанинг келажаги борасида музокаралар ўтказиш учун учрашади.

Бироқ, туринликлар бош директори Беппе Мароттанинг билдиришича, томонлар бошқа масалаларни ҳам муҳокама қилади.

Нашр маълумотларига кўра, Маротта қиймати 50—60 миллион еврога баҳоланаётган Хамес Родригеснинг трансфери борасида келишишга ҳаракат қилиб кўради. 

Аввалроқ Хамесга «ПСЖ», «Манчестер Сити» ва «Арсенал» ҳам даъвогарлик қилаётгани, бироқ футболчининг ўзи «Манчестер Юнайтед»да ўйнамоқчи экани ҳақида хабарлар берилган эди.