Куни кеча Биринчи лига жамоалари 10-тур учрашувларини ўтказишди. Андижонда “УзДонгЖу” жамоаси Ғиждувоннинг “Ғиждувон” жамоасини қабул қилди ва йирик ҳисобда ғалаба қозондилар. Учрашувдан сўнг “Ғиждувон” жамоа бошлиғи Маъмур Отақуловни сухбатга тортдик ва ўйин ҳақидаги фикрларини ўртоқлашди:
- Андижондаги “УзДонгЖу” га қарши учрашув биз кутгандек бўлмади. Биринчи бўлимда жамоамиз яхши тўп суришди. Хавфли хужумлар хам уюштирдик. Аммо омад биздан юз ўгирди. Сунъий қопламали стадионда ўйин бўлганлиги сабабли бизни ўйинчилар бироз мослашишлари қийин бўлди. Рақиб бизга нисбатан кучли эди. Улар бугун тартибли ва чиройли футбол намойиш этишди. “УзДонгЖу” хақли ғалаба қозонди.
