Мавсумни омадсиз якунлаган "Челси" таркибини кескин кучайтиришга ҳаракат қилмоқда. Ёзда Лондон клуби раҳбарияти нима қилиб бўлса ҳам Альваро Мората ("Ювентус"), Ромелу Лукаку ("Эвертон") ва Гонсало Игуаинни ("Напол") қўлга киритишга интилади.   Альваро Мората масаласи анча чигал. Футболчи аввал "Реал" жамоасига қайтади ва кейин трансферга қўйилади. Бу футболчини ПСЖ ва "Арсенал" 60-65 миллион еврога трансфер қилмоқчи. "Эвертон" Лукаку учун 65 миллион фунт стерлинг талаб қиляпти. Игуаин ҳам "Наполи" билан шартномани узайтириш остонасида турибди ва бу ҳам "Челси"нинг ишларини мураккаблаштиради.   Ўз навбатида "Челси" ёзда уч ҳужумчи билан алоқани узади. Клуб Лоик Ремини трансферга қўяди, Радамель Фалькао ваАлешандре Патони ўз жамоаларига қайтаради.   Бундан ташқари, Диего Коста ҳам "Атлетико"га кетиши мумкин.