«Навбаҳор»да ушбу мавсумдан яна ёшларга имконият тақдим этиляпти. Ана шундай ёшлардан бири Азиз Турғунбоевдир. Жорий мавсум олий лигада дебют қилган поплик футболчи билан мухлислар ўртасида суҳбат қилмоқчи эдик. Лекин Турғунбоев кейинроқ тўлиқ интервью беришни таъкидлаб ўтди. Биз эса фурсатдан фойдаланиб, Азиз билан «Қўқон-1912»га қарши ўйин олдидан фикрлари билан қизиқдик.

Азиз ТУРҒУНБОЕВ: Қўқонда ўтадиган учрашув қийин ўтиши аниқ. Чунки сўнгги турда жамоамиздан учралган мағлубиятдан сўнг «Қўқон-1912» биздан аламини олишга уринади. Шунингдек, жамоада бош мураббий ҳам ўзгарибди.

Аммо биз ҳам қараб турмоқчи эмасмиз. Кубокдаги жавоб учрашувига муносиб тайёргарлик кўрдик. Футболчиларнинг кайфияти аъло даражада. Насиб қилса, кубокдаги юришимизни давом эттирамиз. «Навбаҳор» Ўзбекистон Кубогида узоқроққа боришни мақсад қилган. Шу мақсад йўлида жонимизни бериб ўйнаймиз.

Албатта, мухлисларнинг далдасисиз бунга эришиш қийин. Ўйлайманки, Қўқонда ҳам ишқибозларимиз биз билан бирга бўлишади - деб фикрини якунлади.