Дарҳақиқат, бугун Қўқон шаҳрида навбатдаги, қизиқарли кечиши кутилаётган "водий дербиси" бўлиб ўтади. Учрашувга бўлган қизиқиш юқори. Гарчи "Қўқон-1912" ўтган ҳафтада "Навбаҳор"дан "тарсаки" еган бўлсада, бугун қўқонлик мухлислар ўйингоҳни тўлдириб ўтиришлари кутиляпти. Қуйида учрашувдан олдин "Навбаҳор" мураббийи Вадим Шодиматовнинг фикрларини ҳавола этамиз.


Вадим ШОДИМАТОВ: Бугун ўта юқори даражадаги ҳаяжонли ўйин бўлишини кутяпман. Сабаби биз биринчи ўйинда Наманганда учралган мағлубият тасодифий эканлигини исботлашимиз керак бўлса, қўқонликлар чемпионат доирасидаги охирги ўйиндаги натижа учун ўч олиш мақсадида майдонга чиқишлари аниқ. Шунинг учун бугунги ўйин мухлисларбоп ўйин бўлишини тахмин қиляпман. Олдимизга кейинги бочқичга чиқиш вазифаси қўйилган. Футболчиларни шу натижа учун тайёрладик. Бугун қандай натижа қайд этилишини эса билмайман.