Бундан бироз вақт олдин Ургенч шаҳрида 2004 йилда туғилган ўсмирлар ўртасида бўлиб ўтаётган Ўзбекистон чемпионатининг финалчилари аниқланди.

Мазкур мусобақада иштирок этаётган ўсмирларимиз зафарли юришларини ярим финалда ҳам давом эттиришди. Финал йўлланмаси учун ўтган баҳсда сирдарёлик тенгқурлари билан куч синашган Аъзам Ражаббаев ва Раҳим Ғофуров шогирдлари 2:0 ҳисобидаги ғалабани қўлга киритишди. Ушбу ғалаба тарбияланувчиларимизга финалда майдонга тушиш имкониятини берди. Иккинчи ярим финал жуфтлигида Хоразм вилояти терма жамоаси Фарғона вилояти термасини 2:0 ҳисобида мағлубиятга учратди. Эртага Ўзбекистон чемпионати ғолиби аниқланади. Финалда ёш футболчиларимиз хоразмликларга қарши майдонга тушишади. Ўсмирларимизга финалда ҳам омад тилаймиз.