Италия терма жамоаси бош мураббийи Антонио Конте терма жамоа футболчиларига бир қатор озиқ-овқатларни истеъмол қилишни таъқиқлаганлиги ҳақида La Stampa хабар бермоқда.
Манбанинг айтишига қараганда, 46 ёшли мутахасис "Ювентус"да ишлаган кезларида ҳам футболчиларни диетада ушлашга ҳаракат қилган. Европа Чемпионатига тайёргарлик вақтида терма жамоа аъзоларига печенье, паста (спагеттидан ташқари), булочкалар, пицца ва ширинликларни тановвул қилишни таъқиқлайди.
Шунингдек, Италия терма жамоаси машғулот олиб борадиган базанинг мини-барида чипс ва музқаймой бўлмаслиги ҳам керак.
Италия терма жамоаси Европа Чемпионатида Бельгия, Ирландия ва Швейция терма жамоалари билан бир гуруҳдан жой эгаллаган.
