Малайзия Суперлигасида 12-тур учрашувларига старт берилди.
Тур доирасидан ўрин олган қизиқарли беллашувлардан бирида мусобақа жадвалида етакчилар қаторида бораётган “Фелда Юнайтед” “Пенанг” клубига қарши баҳс юритди. Таркибида ҳамюртимиз Лутфулла Тўраев ўйнаётган “Фелда” бу ўйинда рақибдан устун кела олмади ва учрашувда 2:2 ҳисоби қайд этилди.
Ўзбекистонлик маҳоратли ярим ҳимоячи Лутфулла Тўраев ўйиннинг илк дақиқалариданоқ майдонга тушди ва тўлиқ ўйнади.
“Фелда Юнайтед” 12 та учрашувдан сўнг 28 очко тўплаганча мусобақа жадвалининг 2-поғонасида бормоқда.
