Ўзбекистон кубогининг нимчорак финал босқичи "Бухоро" ва "Пахтакор" жамоалари ўртасида жавоб ўйини бўлиб ўтди. Худди дастлабки ўйинда бўлгани каби бугунги баҳсда "Бухоро" номдор рақибни 1:0 ҳисобида мағлубиятга учратди.

Ўйин давомида ҳар иккала жамоа жуда қулай имкониятларга эга бўлишди. Баҳодир Пардаев бўш қолган "Пахтакор" дарвозасини ишғол қила олмаган бўлса, Азим Аҳмедов йўллаган зарба натижасида тўп устунга тегиб қайтди.

Ўйин тугашига 12 дақиқа қолганида "Пахтакор" ҳимоячиси ўз жарима майдончаси ичида Шавкат Саломовни чалиб йиқитди. Натижада мезбонлар дарвозасига пенальти белгиланди. Баҳодир Пардаев пенальтидан унумли фойдаланиб, жамоасига муҳим ғалабани келтирди.

"Пахтакор" Ўзбекистон кубогини тарк этди. "Бухоро" эса чорак финалда "Қўқон-1912" жамоасига қарши баҳс олиб боради.

ЎЗБЕКИСТОН КУБОГИ, Нимчорак финал, жавоб ўйини
"БУХОРО" - "ПАХТАКОР" - 1:0 (ОНЛАЙН ТРАНСЛЯЦИЯ)
ГОЛ: Баҳодир Пардаев (78-пенальти)
Огоҳлантиришлар: Саламат Қуттибоев (17), Баҳодир Пардаев (48), Жамолиддин Убайдуллаев (76) — Владимир Козак (38)
"Бухоро": 1.Муҳиддин Худоёров 3.Сардор Раҳмонов, 8.Саламат Қуттибоев, 10.Шавкат Саломов (Санъат Шихов 88) 16.Артём Филипосян, 18.Баҳодир Пардаев, 19.Жасур Ҳасанов (Камолиддин Мурзоев 59), 23.Александр Мерзляков, 61.Азиз Ибрагимов (Жамолиддин Убайдуллаев 75), 85.Руслан Мельзиддинов, 87.Алишер Саноев
"Пахтакор": 1. Никита Рибкин (Темур Жўраев 42),  5.Акбар Исматуллаев, 6.Аббос Отахонов, 7.Азим Аҳмедов, 8.Шерзод Каримов, 9. Жалолиддин Машарипов (Жамшид Болтабоев 76), 10.Жамшид Искандеров (Акобир Тўраев 84), 11. Игорь Сергеев, 24. Даврон Ҳошимов, 28.Станислав Андреев, 29. Владимир Козак
Бош ҳакам: Рустам Бобомуродов