Ургенч шаҳрида 2004 йилда туғилган ўсмирлар ўртасида ўтказилган Ўзбекистон чемпионати якунланди.
Мазкур мусобақада қатнашган “Навбаҳор” ўсмирлари финалга қадар етиб келишни уддасидан чиқишганди. Мусобақанинг ҳал қилувчи учрашувида вакилларимиз Хоразм вилояти терма жамоаси билан баҳс олиб боришди. Муросасиз руҳда ўтган ўйинда мезбонлар 2:0 ҳисобидаги ғалабани қўлга киритишди. Шу тариқа Хоразм вилояти ўсмирлари Ўзбекистон чемпиони деган шарафли номга сазовор бўлишди. Ўсмирларимиз эса иккинчи ўрин билан кифояланишди. Чемпионат низомида 3-ўрин учун ўйин ўтказиш кўзда тутилмаганлиги сабабли ярим финалда мағлуб бўлган Фарғона ва Сирдарё вилояти терма жамоалари фахрли учинчи ўрин соҳибига айланишди. Чемпионат якунида ғолиб ва совриндорларни тақдирлаш маросими бўлиб ўтди. Шунингдек, ташкилотчилар чизиқлар бўйича ҳам энг яхшиларни аниқлашди. Улар орасида тарбияланувчиларимизни борлиги ҳам қувонарлидир. Мансур Абдуллаев чемпионатнинг энг яхши ҳимоячиси деб топилган бўлса Жавоҳир Абдужабборов энг яхши ҳужумчи номинациясида ғолиб деб топилди.
