Аввал хабар берганимиздек, бугун ЎФФ анжуманлар залида Ўзбекистон Кубогининг чорак финалига йўл олган жамоалар расмийлари иштирокида йиғилиш бўлиб ўтди.
Унда қайси клублар чорак финални биринчи бўлиб ўз майдонида қабул қилиш борасида қуръа ташланди.
Қуръа натижаларига кўра, жамоамиз биринчи ўйинни ўз майдонида ўтказадиган бўлди. 5 июль куни Қўқондаги “Марказий” ўйингоҳида ўтказиладиган баҳсда вакилларимиз “Бухоро”га қарши майдонга тушишади.
Ушбу жамоаларнинг жавоб учрашуви 8 июль куни Бухорода бўлиб ўтади. Чорак финал ўйинларида жамоамизга омад тилаб қоламиз.
