Мамлакат чемпионатининг навбатдаги 10-турида Бухорода “Бухоро” жамоаси меҳмони бўламиз. Бугун ПФЛ 10-турда хизмат қиладиган ҳакамлар рўйхатини эълон қилди.
Унга кўра Бухородаги учрашувни Ҳасан Рўзиев бошчилигидаги тошкентлик ҳакамлар бригадаси бошқариб борадиган бўлди. Рўзиевга қанотларда Олим Абдувосилов ва Алишер Усмоновлар ёрдам беришади. Захирадаги ҳакам вазифасини Рустам Лутфулин бажаради. Назоратчилик Бахтиёр Тоғаев зиммасига юклатилган бўлса Бухорога Григорий Ртвеладзе комиссар сифатида ташриф буюради.
Қўқонда ўтган кубок баҳсидан кейин футболчиларимиз қисқа муддатлик таътилга чиқишганди. Эртадан жамоамиз аъзолари “Бухоро” билан бўладиган учрашувга тайёргарликни бошлашади. Дастлаб футболчиларимиз машғулотларни бир неча кун Тошкентда олиб боришади. Ҳафта охирларида эса Бухорога сафар уюштириш режалаштирилган.
