Бугундан жамоа аъзолари яна клуб қароргоҳида йиғилди ва навбатдаги учрашувга тайёргарликни бошлади. 28 май, шанба куни “Соғлом Авлод” стадионида Қашқадарё вилояти, Ғузор шаҳрининг “Шўртан” жамоаси “Андижон”нинг меҳмони бўлади.
Чемпионатнинг 10-туридан ўрин олган бўлажак баҳсга тайёргарлик қизғин. 9-турда “Қизилқум”га қарши баҳсда қизил карточка олган Отабек Валижонов сафга қўшилди ва “Шўртан”га қарши учрашувга астойдил ҳозирлик кўрмоқда.
Шунингдек жарохат олиб сафдан чиққан ҳимоячилар Иқбол Бобохонов билан Жавлон Гусейнов ҳам таркибга қўшилди. Ҳозирча бу икки футболчи индивидуал тарзда шуғулланмоқда.
Ҳимоячи Азамат Исроилов ва ҳужумчи Абдумалик Абдуллаев “Универсиада-2016” мусобақасида иштирок этиши муносабати билан навбатдаги баҳсда жамоага ёрдам бера олмайди.
