"Манчестер Юнайтед" жамоаси кейинги мавсумни кучли саккизликда якунласа, 1 миллиард фунт мукофот пули олади. Бу ҳақда goal.com портали хабар берди.

1992 йилдан бери "қизил иблислар"нинг энг катта даромади бу мавсумга тўғри келди. Улар 5-ўринда бўлишига қарамай, 870.2 миллион фунт миқдорида пул ишлаб олишди ва премьер лигада шунча мукофот олган илк клубга айланишди.

Агар кейинги амвсумни улар кучли саккизликда якунсалар ҳам, 1 миллиард фунт миқдорида мукофотга эга чиқишади. Ушбу мавсумда "Арсенал" 100.9 миллион, чемпион "Лестер" эса 93.2 миллион фунт мукофот олишди. Премьер лигани тарк этган "Астон Вилла" эса 66 миллион фунт фойда кўрди.

Янги мавсумда жамоалар қайси ўринда бўлишларидан қатъий назар, уларга 100 миллион фунтдан мукофот пули ажратилади. Сўнгги 24 йил ичида премьер лига мукофот учун 14.8 миллиард сарфлади. Энг кўп мукофот олиш бўйича "МЮ" биринчи ўринда бўлса, "Арсенал" ва "Ливерпуль" кучли учликдан жой олган.