“Барселона” клуби президенти Хосеп Мария Бартомеу жамоа етакчилари Лионель Месси, Неймар ва Луис Суарес каталонияликлар сафида қолишини айтиб ўтди.

– Месси, Неймар ёки Суарес “Барселона”дан кетмайди. Уларнинг ҳаммаси бу ерда бахтиёр. Ҳар бир футболчи ушбу клубда тўп суришни орзу қилади ва кетиш ҳақида ўйламайди. Ҳеч ким менга кетиш борасида мурожаат қилмади ва ҳамма учун хотиржамман. Месси билан бир неча ой аввал суҳбатлашганимда, “Барселона” унинг Европадаги сўнгги клуби бўлишини айтганди. У Европадаги фаолиятини айнан шу ерда тугатмоқчи, – деди каталонияликлар президенти.