“Манчестер Юнайтед” жамоаси “Рома”нинг грециялик ҳимоячиси Костас Маноласга қизиқиш билдирмоқда. Бу ҳақда The Telegraph маълум қилди.

Маълумотларга кўра, манкунианлар 24 ёшли футболчининг трансфери борасида музокара ўтказиш учун футболчи ва унинг агенти билан учрашган.

“Рома” ўз футболчисини 40 млн еврога сотмоқчи, “МЮ” эса ўз навбатида уни ижрага олиш вариантини ҳам кўриб чиқади.

Қайд этиш керакки, агар трансфер амалга ошса, “Рома” ва “Олимпиакос” ўртасидаги келишувга кўра, тушумнинг 50 фоизи Греция чемпионига тегишли бўлади.