Бразилия терма жамоаси ҳамда испаниянинг “Валенсия” кулби дарвозабони Диего Алвеш ҳамюрти, “Барселона” клуби ҳужумчиси Неймарни яқин келажакда сайёрамизнинг энг кучли футболчиси бўлади деб ҳисоблайди.  

“Сўзсиз, яқин вақтлар ичида Неймар дунёнинг энг яхши футболчиси бўлади. Мен бунга ишонаман. Мен Испанияда биринчилардан бўлиб ушбу фикрни билдирганман ва фикрларим ўз тасдиғини аста-секин топмоқда. 
Неймар “Барселона”га келганида кўпчилинг унга шубҳа билан қараган. Чунки, улар Неймар ҳақида деярли ҳеч нарса билишмас эди. 
У ҳозир “Олтин тўп” учун иккита фантастик футболчи – Роналду ва Мессига қарши рақобатлашмоқда.”