“Барселона” клубининг бразилиялик ҳимоячиси Дани Алвеш ушбу ёзда жамоасини алмаштирмоқчи эмаслиги ҳақида El Mundo Deportivo нашри хабар қилди.

Манбанинг билдиришича, бу ҳақда футболчининг агенти Динора Сантана айтиб ўтди. Агентнинг айтишига қараганда, Алвеш ўзини Каталония пойтахтида жуда яхши ҳис қилмоқда ва мураббийнинг билдираётган ишончларини оқлаётганлиги сабабли, клубда тутган ўз ўрнидан қониқиш ҳосил қилмоқда.

Бундан ташқари, Сантананинг мижози ва собиқ турмуш ўртоғи “Галатасарай” ва “Фенербахче” клубларидан етарлича таклифлар олди, лекин Алвес бу таклифларга рад жавобини берди. Алвеш “Барса” билан тузилган амалдаги шартномасини сўнгги кунигача Каталонияни қолмоқчи. Бразилия терма жамоаси ҳимоячининг “Барселона” клуби билан тузган шартномаси 2017 йилнинг ёзида ўз якунига етади.

Бироз аввалроқ, Алвеш “Ювентус” клуби билан 3 йиллик шартнома имзолашга яқин тургани ҳақида маълумот тарқатилган эди.