Шу йилнинг ёзида «ПСЖ» клубидан кетишини маълум қилган Златан Ибрагимович «Манчестер Юнайтед» билан музокара олиб бораётганлиги ҳақида The Guardian хабар тарқатди.
Манбанинг айтишига қараганда, ҳужумчи ўзининг келажагини ҳал қилишда шошилмасликка ҳаракат қилган ҳолда, «МЮ» клубини вариант қилиб ушлаб турибди. Ибрагимовичнинг агенти Мино Райола “қизил иблислар” раҳбариятига ўз мижози ҳафтасига 290 минг евро миқдорида маблағ сўраётганини етказди.
Яқин вақтлар орасида “МЮ”ни қабул қилиб олиши кутилаётган Жозе Моуриньо клубдаги трансфер сиёсатини бошлаб юборган ва унинг рўйхатида Ибрагимович ҳам жой олган. Лекин, Португалиялик мураббийи швециялик ҳужумчи ҳақида якуний қарорга келгани йўқ.
