Футбол шарҳловчилари шарҳ жараёнида билиб-билмай бир-биридан қизиқарли ибораларни ишлатиб туришади. "Оила даврасида" газетасида шарҳловчиларнинг кулгули ибораларига оид мақола чоп этилди. қуйида ана шу қизиқарли ибораларни ўқишингиз мумкин.

— Ўйин бошланишига беш дақиқа қолди: ҳисоб ҳамон 0:0.

— Бу форма ҳужумчининг омадли либоси! Мана ўн беш йилдирки, у мана шу либосни ечмайди!..

— Шундай кучли ва хавфли рақибга гол урганидан хурсанд бўлиб, дарвозага осилиб қолди!

— Виалли ён чизиқдан рақиб оёқлари билан бирга чиқиб кетди.

— Пер Луижи Коллина сукут сақлаяпти. Буни ҳатто мен ҳам эшитяпман.

— Ай-яй-яй-яй-яй! Фикримга қўшиласизми?

— Шведлар бош мураббийининг кўзларидан бахт ёшлари оқмоқда... Э, йўқ, ёрдамчиларидан кимнингдир қўли унинг кўзига кириб кетибди.

— Маминов Сергей Гашкиннинг оёқларидан фойдаланиб тўпни чиқариб юборди.

— Зарба жуда кучли бўлди. Тўп ҳимоячининг бошига тегди. Агар унинг ичида мия бўлса, чайқалган бўлиши мумкин.

— Акопянц бугун ҳамма жойда кўринмоқда — ҳозиргина рақиб дарвозасига ҳужум қилганди, энди ўз дарвозаси олдида юмалаб ётибди.

— Негадир мен Оуэнни йўқотиб қўйдим. Майдонда ҳам йўқ, ўриндиқда ҳам кўринмаяпти. Бирор жойга яшириниб олдимикан-а?

— Титов австрияликдан пас қабул қилиб олди. Жуда яхши тўп узатиш. Ўзимизникилардан бунақасини олиш қийин.

— Ён чизиқ ҳаками чиройли ҳолатлар кўрсатмоқда. Аввал балет билан шуғулланган бўлса керак.

— Бу тўп узатиш трибунада ўтирган бирор таниш ёки яқин одамга бўлса керак.

— Ҳимоячилар ортда қолиб кетишди ва ҳужумчи дарвозабонни хотиржам нишонга олди.

— «Машъал» «Пахтакор» қанча гол урган бўлса, шунча тўп киритди. Яъни бирорта ҳам эмас.

— ...ва бизнинг ҳужумчи рақиб жарима майдончаси ичида йиқилиб тушди! Ҳакам нима демоқда? Ҳакам бугун ташқарида ҳаво анча совуқ ва шунинг учун ерда узоқ ётмаслик керак, дейди.

— Ҳакам огоҳлантириш берди: колумбияликлардан тўпни олиб қўймаслик керак, улар ҳам футбол ўйнаш учун келган.

— Ўйинчилар жуфт-жуфт бўлишди ва ҳаракатлана бошлашди.

— Тўп ўзи учун махсус тайёрлаб қўйилган дарвоза тўрига бориб тушди.

— Мана, ўттиз еттинчи дақиқа тугаши билан дарҳол ўттиз саккизинчи дақиқа ҳам бошланди.

— БАА футболчилари безгак касаллиги тутқаноғини намойиш қилиб беришяпти. Бу мухлисларга ёқди ва улар ўз жамоасини қўллаб-қувватлай бошладилар.

Манба: Jayhun.uz (Furkat.uz)