Ғузорнинг “Шўртан” клуби раҳбарияти жамоа мураббийлар штабини ва жамоа сафини кучайтириш бўйича амалий ишларни амалга оширмоқда.
Тўғри, жамоа таркибига биринчи давра тугаллагунча футболчи қўшиб олишни имкони йўқ. Аммо аниқ номзодлар бўлишига ҳеч қандай шубҳа йўқ. Буни давралар оралиғида билиб олишимиз мумкин.
Бугун бизга маълум бўлдики, жамоа мураббийлар штабида ўзгариш бўлиши кутилмоқда. “Шўртан” ПФК раҳбарияти бугун жиззахлик мутахасис Зойир Ҳасанов билан ўзаро келишувга эришган.
Зойир Ҳасанов “Шўртан” мураббийлар штабида жисмоний тайёргарлик бўйича мураббий сифатида, янги ойнинг биринчи кунидан иш бошлаши кутилмоқда.
Ушбу мутахасис айни кунларда Қарши шаҳрида мураббийлар учун ОФК томонидан ўқув семинари ўтказмоқда. Яъни Зойир Ҳасанов 2007 йилдан бери ОФК инструктори ҳам ҳисобланади.
Зойир Ҳасанов тўғрисида умумий маълумотлар:
Исми шарифи: Ҳасанов Зойир Эргашевич
Туғилган санаси: 25 апрел 1971 йил
Маълумоти: Олий, 1992 йили Жиззах Давлат Институтини тамомлаб, жисмоний тарбия ва футбол мутахасислигини олган.
Лицензияси: ОФКнинг “А” тоифали сертификатига эга
Футболчи сифатида ўйнаган жамоалари: “Ёшлик” (Жиззах) – 1987-1989 йиллар, “Сўғдиёна” (Жиззах) – 1989-1991 йиллар
Мураббийлиги: Зойир Ҳасанов 1991 йилдан турли жамоаларда мураббийлик фаолиятини олиб борган, жумладан Тошкентнинг “Локомотив”, Гулистонинг “Гулистон”, Зоминнинг “Зомин” ва “УзДонгЖу” жамоаларида ишлаган.
Зойир Ҳасанов “Шўртан” клуби учун бегона эмас, у 2012 йилги мавсумда катта мураббий вазифасини бажарувчи сифатида фаолият юритган. Бундан кўринадики, “Шўртан” ПФК директори – Шоди ака Номозов ушбу мутахасисни олдиндан билган.
Биз сайтимиз номидан ва барча воҳалик футбол ишқибозлари номидан Зойир Ҳасановга “Шўртан” жамоасидаги фаолиятига улкан зафарлар тилаб қоламиз.
