«Гамбург» клуби ҳимоячиси Йохан Журу “Борусия” (М) клубидан Лондоннинг “Арсенал” клубига кўчиб ўтган Гранит Джака ҳақида илиқ фикрларни гапириб ўтди.

 «Джака тўп билан ажойиб ишлайди. Унинг чап оёғи катта ишларни амалга оширади, у чап оёғи билан ҳохлаган нуқтасига тўпни йўналтира олади. Бундан ташқари, Гранит рақибдан тўпни олиб қўйишда ҳам фаол иштирок этади. Умуман айтганда, у ажойиб футболчи.

Ўзининг ўткир ҳаракатлари билан менга Пирлони эслатиб юбормоқда. Джуру 40 метргача тўпни аниқ етказиб бериш қобилиятига эга. Шу жиҳатлари худди Пирлони эслатиб юбормоқда, қолаверса, у жисмонан бақувват», —  деди Джуру Mirrorга берган интервьюсида.