“Манчестер Юнайтед” клубини қабул қилиб олган Жозе Моуриньонинг шартнома шартлари аён бўлди.

Correio da Manhãнинг айтишига қараганда, Моуриньонинг «Манчестер Юнайтед» билан тузилган шартномасида мабодо “қизил иблислар” ЕЧЛда ғолиб чиққудек бўлса, у ҳолда португалиялик мураббий 20 миллион евро миқдоридаги бонусга эга бўлади.

Бундан ташқари, шартномада яна бир нечта бонуслар ёзилган бандлар бор.

Жозе Моуриньо “Манчестер Юнайтед” клубидан йилиги 13 миллион евро миқдорида маош олади.

Эслатиб ўтамиз, Португалиялик мутахассис “МЮ”гача «Порту», «Челси», «Реал» ва «Интер» клубларида фаолият кўрсатган.