Хабарингиз бор, бугун “Марказий” стадионда мамлакатимиз чемпионати 10-турининг марказий учрашувида “Насаф” ва “Бунёдкор” жамоалари ўзаро куч синашишади.
Бизга маълум бўлишича, мазкур учрашув “Спорт” ТВ орқали тўғридан-тўғри трансляция қилинмайди, яъни кўчма ТВ станциялар Қаршига келмаган. Тўғри, ушбу учрашув вилоят телерадиокомпаниясининг саи-ҳаракатлари эвазига ёзиб олинган ҳолда намойиш этилиши мумкин. Бу ҳам қачон намойиш этилиши бизга ҳозирча номаълум.
Шундай экан, ўйинни бевосита стадионда кузатишга нима етсин. Қолаверса бугун ЕЧЛ финали ҳам бор. Унгача ўзимизнинг яна бир мисли “финал” учрашувини томоша қилишни тавсия этган бўлардик.
Эслатиб ўтамиз, “Насаф” – “Бунёдкор” жамоалари ўртасидаги учрашув соат 19:30да бошланади.
