Чемпионлар лигасида бир мавсум давомида энг кўп гол урган футболчиларни биласизми? Қуйидаги мақола орқали бу саволга жавоб топишингиз мумкин.
10-11. Клаудио Сулсер - 11 гол (1978/1979)
"Грасхопперс" футболчиси 1978/1979 йилги мавсумда 11 та голга муаллифлик қилиб, энг яхши тўпурарга айланди. Балки унинг жамоаси чорак финалдан ўз юришини тўхтатмаганида, голлари сони янада ортиши мумкин эди.
10-11. Жозе Агуаш - 11 гол (1960/1961)
1961 йили "Бенфика" "Реал"нинг 5 йиллик гегемонлигига барҳам бериб, илк бора турнир ғолибига айланди. Жамоа ҳужумчиси Агуаш эса мусобақада 11 та гол киритиб, энг яхши тўпурар бўлди. Жозе финал ўйинида ҳам битта гол киритган эди.
5-9. Криштиану Роналду - 12 гол (2012/2013)
Роналду 2013 йили 12 гол уриб энг яхши тўпурар бўлди. Афсуски ўша мавсумда "Реал" ярим финалда "Боруссия"га ютқазиб қўйиб, финалга чиқа олмай қолган эди.
5-9. Марио Гомес - 12 гол (2011/2012)
Гомез 2012 йилги мавсумда 12 гол уриб ҳам тўпурар бўла олмаган эди. Супер Марио "Бавария" билан финалга қадар етиб келиб, ҳал қилувчи баҳсда "Челси"га имкониятни бой бериб, совриндан қуруқ қолган эди.
5-9. Рууд Ван Нистелрой - 12 гол (2002/2003)
"Манчестер Юнайтед" ҳужумчиси 2003 йили 12 та гол киритишга муваффақ бўлди. "Қизил иблислар" турнирнинг чорак финалида "Реал"га ютқазиб, мусобақа билан хайрлашишган эди. Рууд ўша мавсумда "Спарта" билан ўйинда "покер" урган эди.
5-9. Герд Мюллер - 12 гол (1972/1973)
Мюллер 1973 йили тўпурарлар пойгасида энг яқин тақибчисидан 2 баробар кўп гол урган эди. Герднинг 12 голи ҳам жамоасининг чемпион бўлишига ёрдам бермади. "Бавария" чорак финалда афсонавий "Аякс"га ютқазиб қўйди.
5-9. Ферец Пушкаш - 12 гол (1959/1960)
1960 йили "Реал" қаторасига бешинчи марта Чемпионлар кубогида ғолиб чиқди. Финал ўйинида Пушкаш 4 та гол уриб "Реал" ғалабасига муносиб ҳисса қўшди. Ферентс ўша мавсумда жами 12 та голга муаллифлик қилган эди.
3-4. Лионел Месси - 14 гол (2011/2012)
Мессининг фаолиятидаги энг омадли мавсумлардан бири 2011/2012 йили бўлган эди. Лео ўша мавсумда турнирда 14 та гол уриб, рекордни янгилаган эди. Бироқ ўша мавсумда "Барселона" ярим финалда "Челси" томонидан тўхтатилган эди.
3-4. Жозе Алтафини - 14 гол (1962/1963)
1963 йили Алтафини етакчилигидаги "Милан" "Бенфика"нинг икки йиллик гегемонлигига баҳам берди. Жозе финал ўйинида португалияликлар дарвозасини икки марта аниқ нишонга олиб, мавсумдаги умумий голлари сонини 14 тага етказиб олди ва рекорд ўрнатди. Унинг рекорди ярим асрдан кўпроқ вақт давомида янгиланмади.
2. Криштиану Роналду - 16 гол (2015/2016)
Роналду ушбу мавсумда ҳозирча 16 та гол уришга муваффақ бўлди. Криш мавсум давомида 2 та "хет-трик" ва 1 та "покер" қайд этди. "Реал" ҳужумчиси "Атлетико"га қарши финал ўйинида янги рекорд ўнатиш имкониятига эга.
1. Криштиану Роналду - 17 гол (2013/2014)
2014 йили Роналду мусобақада 17 та гол урган ҳолда, фантастик рекорд ўрнатди. Ўша мавсумда у "Реал" билан Чмепионлар лигасининг бош совринига эга чиқди. Финал ўйинида "Атлетико" дарвозасини бир марта ишғол қилишга ҳам муваффақ бўлди.
Чемпионлар лигаси тарихидаги энг яхши 10 та финал
Фурқат Юсупов
