“Бавария” клуби ҳужумиси Роберт Левандовский Мадриднинг “Реал” клубига ўтиши мумкинлигини рад этмади. Бироз аввалроқ, “Реал” клуби билан музокара ўтказилганлигини футболчининг агенти айтиб ўтган эди.
«Мен Германияда олти йилдан буён ўйнамоқдаман ва мен бу ерда ҳамма нарсани ютдим. Гоҳида янги чақирув ҳақида ҳам ўйлаб туриш керак», — деди Левандовский Bild нашрига берган интервьюсида.
Якунига етган мавсумда Польша терма жамоаси ҳужумчиси “Бавария” таркибида 32 марта майдонга тушиб, рақиблар дарвозасини 30 бора нишонга олишга муваффақ бўлди.













