Мадриднинг “Реал” клуби собиқ футболчиси, айни пайтда “Валенсия” клуби шарафини ҳимоя қилаётган Альваро Негредо “Реал” клубининг асосий таркибида ўтказган машғулотлари ҳақида сўзлаб берди.
«Мен ёш бола бўлган пайтимда “Реал” Дунёнинг энг кучли таркибига эга эди. Мен фаолиятимни “Райо” клубида бошлаганман, кейин эса “Реал” клуби аъзосига айландим. Капелло мени асосий таркибга чақирганида жуда бахтли эдим. Ҳатоки, ўша таркибдаги футболчилар билан бирга машғулот олиб бориш мен учун орзу эди. “Реал” клуби футболкасини кийганимда алоҳида ниманидир ҳис қилганман. “Реал” клуби футболкасини кийиш ва мени жамоа аъзоси сифатида кенг оммага таништиришлари ёқимли бўлган эди. Тўғрисини айтганда, ўша пайтда жуда фахрланган эдим», — Негредонинг сўзларидан иқтибос келтирмоқда Goal интернет портали.