"Атлетико" ярим ҳимоячиси Сауль "Реал"га қарши Чемпионлар лигаси финал баҳси ҳақида фикр билдирди.
"Жамоа ва мухлислар билан фахрланаман. Курашда бор кучимизни ишга солдик. Футболда ҳамма нарса содир бўлиши мумкин. "Реал" пенальтилар сериясидаги омад туфайли ғалаба қозонди.
Жуда аламли мағлубият бўлди. Жамоа тарих такрорланишига муносиб эмасди. Бу воқеа икки марта содир бўлиши жуда оғриқли. Аммо биз қайтамиз. "Атлетико" ўзига бўлган ишончни йўқотмайди ва ишлашда ҳамда курашишда давом этади" - дейди Сауль.