Бугун – якшанба куни Мадриднинг “Реал” клуби кеча “Сан Сиро” стадионида қўлга киритган Европа Чемпионлари Лигаси совринини Мадрид шаҳридаги Пласа де Сибелес майдонида мухлислари билан биргаликда нишонлади.
Клуб расмий сайтининг маълум қилишича, “Реал” футболчилари жой олган автобус айнан мана шу майдонга Европа Чемпионлари Лигаси Кубоги билан биргаликда кириб келди. Автобус махсус майдончага кириб келганидан сўнг, футболчилар бирма бир автобусдан чиқиб келишиб, совринни қўлга киритгунча бўлган йўлда уларни тинимсиз қўллаб-қувватлаб турган мухлисларга ўз миннатдорчиликларини изҳор этишди.
Милан шаҳрида бўлиб ўтган ЕЧЛ финалининг асосий вақтида 1:1 ҳисоби қайд этилди. Пенальтилар сериясида эса “Қироллик клуби” 5:3 ҳисобида зафар қучди.
