Олий лига 10-тур доирасидаги “Пахтакор” – “Нефтчи” (1:2)баҳсидан сўнг меҳмонлар вакили Отабек Исроилов ўз фикрлари билан ўртоқлашди.

– “Пахтакор” жамоаси жуда ҳам кучли ўйин намойиш этди. Бироқ бугун омад биз тарафда бўлди. “Нефтчи” жамоаси ҳар доим ғалаба учун ўйнайди ва буни яна бир бор амалга исботладик. Йигитлар майдонда юқори иштиёқда ҳаракат қилишди. Натижага эришишимизда айнан мана шу омил ҳам сабабчи бўлди деб айтишим мумкин. Мураббийлар штаби жамоани ўйинга жиддий ҳозирлашди. Биз эса улар берган кўрсатмаларни тўғри бажардик ва уч очкога эга чиқди. Ғалаба қозонганимиздан хурсандман. “Пахтакор” устидан қозонилган ғалаба билан бутун Фарғона аҳлини табриклайман, – деди Отабек Исроилов ўйиндан кейин берган интервьюсида.

Эслатиб ўтамиз, мазкур ўйинда “Нефтчи” жамоаси Мурод Бобожонов ҳамда Отабек Исроиловларнинг голлари эвазига 1:2 ҳисобида ғалабага эришди.

“Нефтчи” матбуот хизмати.