«Манчестер Юнайтед» ишқибозлари ҳужумчи Антони Марсьялни май ойининг энг яхши футболчиси деб топди.
20 ёшли ҳужумчи мухлисларнинг 49 фоиз овозини тўплаб, Уэйн Руни (36 фоиз) ва Антонио Валенсия (15 фоиз)ни ортда қолдирди. Сўровномада 100 мингдан ортиқ мухлис қатнашган.
Франция терма жамоаси ўйинчиси «МЮ» таркибида иккинчи марта мухлислар томонидан ой ўйинчиси деб топилмоқда. Биринчи марта у 2015 йил декабрида мазкур совринни қўлга киритган эди.
Май ойида Марсьяль 4 учрашувда майдонга тушди, 3 та гол урди ва битта самарали тўп узатишни амалга оширди.
