«Интер» бош мураббийи Роберто Манчини клубнинг 70 фоиз акциялари хитойлик инвесторларга сотилиши мумкинлиги ҳақидаги хабарлардан сўнг, жамоада қолиш-қолмаслиги ҳақида ўйлай бошлади.
51 ёшли мутахассис клубдаги вазият бу қадар кескин ўзгараётганидан ва уни бундан ҳеч ким олдиндан огоҳлантирмаганидан ранжиган. Бундан ташқари, у «Интер» раҳбарларининг клубни Италия футболи пешқадамлари сафига қайтариш мақсадига кўп ҳам ишонмаяпти.
Қўшимча сифатида шуни айтиш мумкинки, Манчини ва «Интер»нинг ҳозирги эгаси Эрик Тоҳир ўртасидаги келишмовчиликлар январдаёқ юзага келганди. Ўшанда мураббийлар штаби Скудетто ва Чемпионлар Лигаси йўлланмаси учун курашиш бир қатор кучли футболчиларни сотиб олишни талаб қилган, оқибатда фақат битта Эдер таркибга жалб қилинган эди.
